Cəmiyyəti Haqqında

 “Azərbaycan otorinolarinqologiya cəmiyyəti” ictimai birliyi Azərbaycan Respublikasında qulaq-burun-boğaz və baş-boyun xəstəliklərinin profilaktikası, diaqnostikası və müalicəsinin dünya səviyyəsinə çatdırılmasına kömək etmək məqsədilə qurulmuşdur. Cəmiyyət hər bir Azərbaycan otorinolarinqoloqunun ikinci evidir.
Qarşımıza qoyulmuş məqsədlərə çatmaq üçün aşağıdakılar planlanır:

 -Otorinolarinqoloqların biliklərini artırmaq və dünya otorinolarinqologiya elminin nailiyyətlərini Azərbaycanda təbliğ etmək;

 -Azərbaycanda qulaq-burun-boğaz xəstəliklərinin yayılması səbəbini öyrənmək;

 -Otorinolarinqoloqların peşəkarlıq səviyyəsini artırmaq;

 -Azərbaycan otorinolarinqoloqları ilə xarici ölkələrin otorinolarinqoloqları arasında əməkdaşlığının inkişafına kömək etmək.

 Nəzərdə tutulmuş vəzifələri həyata keçirmək üçün:

 -Elmi araşdırmalar aparılması, müxtəlif kurslar və seminarlar, dəyirmi masa və görüşlər, sərgilər təşkil edilməsi;

 -Ölkədə və xarici dövlətlərdə fəaliyyət göstərən müxtəlif qeyri-hökumət təşkilatları, regional və beynəlxalq qurumlarla əlaqə qurulması və onlarla birlikdə layihələr həyata keçirilməsi planlaşdırılır.

 Bütün bunların həyata keçməsi üçün bütün məsləkdaşlarımızı əl-ələ tutaraq AOC ətrafında birləşməyə, öz bilik, təcrübə və bacarıqlarını bölüşməyə dəvət edirik!

Qurumun Adı: "Azərbaycan Otorinolarinqologiya Cəmiyyəti" ictimai birliyi
VÖEN: 1306166221
Ünvan: Bakı şəhəri, Yasamal rayonu, Moskva pr-ti, ev 75A, mənzil 62
Mobil Nömrə: +994 12 498 64 62
Email: [email protected]